புத்தளம் பாலாவி பிரதேசத்தில் 14 வயதுடைய சிறுமி ஒருவர் தூக்கிட்டு தற்கொலை செய்துகொண்டுள்ளார்.
புத்தளம் பாலாவி உளுக்காப்பள்ளம் பிரதேச முஸ்லிம் பாடசாலையொன்றில் தரம்
9இல் கல்வி கற்கும் 14வயதுச் சிறுமியொருவரே இவ்வாறு தூக்கிட்டு தற்கொலை
செய்து கொண்துள்ளார். குறித்த சம்பவம் இன்று மாலை இடம்பெற்றுள்ளது.
பாலாவி கரம்பை சபா-மர்வா மீள்குடியேற்றக்கிராமத்தில் வசித்து வந்த குறித்த
சிறுமி வீட்டில் வைத்து தாவானியொன்றினால் சுருக்கிட்டு தற்கொலை செய்து
கொண்டுள்ளார்.
குறித்த சிறுமியின் வீட்டில் இன்று யாரும் இருக்காத சமயத்தில்
பாடசாலைக்குச் சென்றுவிட்டு வீடு திரும்பிய சிறுமி இவ்வாறு தற்கொலை செய்து
கொண்டுள்ளதாக தெரிவிக்கப்படுகிறது.
சிறுமியின் சடலம் தற்போது புத்தளம் வைத்தியசாலையில் வைக்கப்பட்டுள்ளதுடன்
இது தொடர்பான மேலதிக விசாரணைகளை புத்தளம் பொலிஸார் மேற்கொண்டு வருகின்றனர்.