ஆச்சே மாநில தலைநகர் பண்டா ஆச்சேவிலிருந்து 495 கிலோமீற்றர் தூரத்தில் கடலின் அடியில் 33 கிலோமீற்றர் ஆழத்தில் இப்பூகம்பம் ஏற்பட்டுள்ளதாக அறிவிக்கப்பட்டுள்ளது.
இவ்வாறு இடம்பெற்று சற்று நேரத்தில் இலங்கையில் பலவகையான மாற்றங்கள் கொண்டு வரப்பட்டன. அவையாவன
- இலங்கையின் கரையோரப்பகுதிகளில் மின்சார விநியோகம் துண்டிக்கப்பட்டுள்ளதாக இலங்கை மின்சார சபை தெரிவித்துள்ள அதேவேளை, கரையோரப்பகுதிகளுக்கான ரயில் சேவையும் இடைநிறுத்தம் செய்யப்பட்டுள்ளதாக ரயில்வே கட்டுப்பாட்டுத் திணைக்களம் கூறியுள்ளது.
- பாதுகாப்புக் காரணங்களை முன்னிட்டு கரையோரப்பகுதிகளுக்கான தனியார் பஸ் சேவைகளும் 3 மணித்தியாலத்திற்கு இடைநிறுத்தப்பட்டுள்ளதாக தனியார் பஸ் உரிமையாளர்கள் சங்கத்தின் தலைவர் கெமுனு விஜயரட்ன தெரிவித்துள்ளார்.
- இந்தோனேஷியாவில் ஏற்பட்ட பூமியதிர்ச்சியைத் தொடர்ந்து இலங்கையில் ஏற்பட்ட பதற்ற நிலைமை காரணமாக தெற்கு அதிவேக நெடுஞ்சாலையில் இன்றையதினம் வாகனங்கள் இலவசமாக பயணிப்பதற்கு அனுமதிக்கப்பட்டுள்ளதாக பிரதி அமைச்சர் நிர்மல கொத்தலாவல தெரிவித்துள்ளார்.
- கரையோர பிரதேசங்களிலுள்ள வைத்தியசாலைகளின் மருத்துவ அதிகாரிகள் மற்றும் உத்தியோகஸ்தர்களின் விடுமுறைகள் இரத்துச் செய்யப்பட்டுள்ளதாக சுகாதார அமைச்சு அறிவித்துள்ளது
- உல்லாச பிரயாணிகளின் பாதுகாப்புக்கான முன்னெச்சரிக்கை நடவடிக்கைகளை மேற்கொள்ளுமாறு கரையோர பிரதேசங்களிலுள்ள குறிப்பாக தெற்கு, கிழக்கு, மேல் மாகாணங்களிலுள்ள உல்லாச ஹோட்டல்களை இலங்கை சுற்றுலா திணைக்களம் கோரியுள்ளது.