மதுரங்குளி கணமூலைக் கிராமத்தில் (05.03.2013) நேற்று இடம் வாகன விபத்தில் இருவர் படுகாயமடைந்தனர். மதுரங்குளியிலிருந்து கணமூலை ஊடாக பெருக்குவட்டானை நோக்கிச் சென்று கொண்டிருந்த லொறியானது அதிவேகம் காரணமாக சுய கட்டுப்பாட்டை இழந்தமையினாலேயே இந்த விபத்து இடம் பெற்றுள்ளது.
கணமூலை – சமீரகம எல்லையில் அமைந்துள்ள பாலத்துக்கு அருகாமையில் உள்ள வீட்டின் மதில் மீது கட்டுப்பாட்டை இழந்த லொறி வேகமாக சென்று மோதியதன் காரணமாக லொறியில் பயணித்த பெருக்குவட்டாணைச் சேர்ந்த தந்தையும் மகனுமே படுகாயங்களுக்கு உள்ளான நிலையில் தற்போது புத்தளம் தள வைத்தியசாலையில் மருத்துவ சிகிச்கைகளைப் பெற்று வருகின்றனர். முந்தால் பொலிஸார் மேலதிக விசாரணைகளை மேற்கொண்டு வருவதாக தெரிவிக்கப்படுகின்றது.
