புத்தளம், பாலவிய - கற்பிட்டி வீதியில் இடம்பெற்ற வாகன விபத்தில் முதியவர் ஒருவர் உயிரிழந்துள்ளார்.
பாலவிய - கற்பிட்டி வீதியில் உள்ள பஸ் தரிப்பு நிலையத்தில் மக்கள் பஸ்ஸிலிருந்து இறங்குவதற்காக வீதியோரமாக நிறுத்தி வைக்கப்பட்டிருந்த பஸ்ஸுடன், அதற்கு பின்புறமாக பயணித்த மோட்டார் வண்டி மோதி விபத்துக்குள்ளாகியுள்ளது.
வேகத்தை கட்டுப்படுத்த முடியாமையின் காரணமாக நிறுத்தி வைக்கப்பட்டிருந்த பஸ்ஸுடன் மோட்டார் வண்டி மோதியுள்ளது.
இதன்போது படுகாயமடைந்த மோட்டார் வண்டியின் சாரதி புத்தளம் மாவட்ட வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.
நேற்று (12) முற்பகல் இடம்பெற்ற இவ் விபத்தில் 52 வயதான ஒருவர் உயிரிழந்துள்ளார்.
பிரேத பரிசோதனைகளின் பின்னர் சடலம் உறவிகர்களிடம் ஒப்படைக்கப்பட்டுள்ளது.